視覺設計

【on.cc東網專訊】 新一代「美心妹妹」胡梓盈（Keicy）最近迷上魔術，Keicy的媽咪Fiona拒絕做怪獸家長，見囡囡鍾意跳舞、唱歌、畫畫，於是放手畀小朋友「想學就去學」，知道Keicy想學魔術，Fiona就安排囡囡拜魔術師李行齊（小齊）為師，準備接受為期一年並獲國際認可的「美國IMS國際魔術證書」課程。

憑瞬間轉移魔術，屢破健力士世界紀錄，更是香港首個以魔術師身份成為十大傑出青年的小齊，對於徒弟仔Keicy又識唱歌又識跳舞，認為對於將來學魔術，絕對有很大幫助，李行齊說：「因為魔術要配合好多肢體動作，Keicy識跳舞，可以將舞蹈融入魔術裏面，表演效果會更加好。不過講到尾，學魔術最緊要係守得秘密，唔可以隨便話畀人知個魔術點變出嚟，仲要經常練習，另外每一個魔術，同一個場合只可以表演一次。」

今年九月將升讀小一的Keicy，問她為何學魔術？她說：「因為鍾意，同埋好搞笑，希望學識將一隻大貓變成一隻BB貓嘅魔術。」雖然Keicy未正式上魔術班，但她與師傅小齊一起表演「小飲管變大飲管」魔術時，看起來有板有眼，還表示今個周未會同媽咪欣賞師傅的魔術show演出。